Lajme Tv Klan 10 Tetor 2021, ora 15:30
Edicioni i Lajmeve Tv Klan 10 Tetor 2021, ora 15:30 Lajme – News
Spiker: Redi Prifti
RAMA: S’KA PALE TE TRETA QE PENGOJNE INTEGRIMIN E SHQIPERISE. KOSOVA S’LIDHET ME PROBLEMET E SPANJES
Në një intervistë për mediat spanjolle kryeministri Edi Rama thotë se nuk ka palë të treta që pengojnë integrimin e Shqipërisë në BE. Rama tha se çështja e Kosovës nuk krahasohet me problemet e brendshme seperatiste të Spanjës.
KURBA E COVID DREJT NJE RENIEJE TE LEHTE. ISHP: VETEM NE 10 BASHKI KA RRITJE TE INFEKTIMEVE
Ekspertët e Institutit të Shëndetit Publik thonë se kurba e infektimeve me koronavirus në vendin tonë po shkon drejt rënies. Sipas tyre, vetëm në 10 bashki, kryesisht ato turistike dhe bregdetare ka ende një numër të lartë vatrash infeksioni.
PROTESTA TE DHUNSHME KUNDER CERTIFIKATES SE GJELBER NE ITALI. TENTOHET “PUSHTIMI” I KRYEMINISTRISE
Qindra protestues kundër vaksinimit u përleshën me policinë në Romë pasi tentuan të pushtonin kryeministrinë. Ata kundërshtojnë certifikatën e vaksinimit, që nga 15 tetori bëhet e detyrueshme për të punësuarit në sektorin publik e privat.
ZBARDHET PLAGOSJA E 24-VJEÇARIT NE SHKODER. I RIU U VETEPLAGOS DHE SAJOI ATENTATIN
Merr një tjetër rrjedhë historia e plagosjes së një 24-vjeçari një ditë më parë në një fshat të Shkodrës. Policia zbulon se Isak Mehmedaj u vetëplagos aksidentalisht me armë dhe raportoi se i bënë pritë persona të panjohur.
“PANDORA PAPERS” NDIKON NE ZGJDHJET ÇEKE. HUMBET KRYEMINISTRI BABIS QE ISHTE FAVORIT NE SONDAZHE
Pasi skandali “Pandora Papers” i zbuloi fshehjen e pronave, Andrej Babish pritet të mos jetë më kryeministër i Çekisë.
Zgjedhjet e së shtunës nuk i dhanë atij shumicën për formimin e qeverisë së re edhe pse ishte favorit në sondazhe.
FITORJA ME HUNGARINE MOTIVON KUQEZINJTE: TANI DUAM TE MPOSHTIM EDHE POLONINE NE TIRANE
Fitorja në fushën e Hungarisë shton optimizmin e Kombëtares së futbollit për një rezultat pozitiv edhe ndaj Polonisë në Tiranë. Trajneri Reja dhe sulmuesi Armando Broja thonë se kjo sfidë do të jetë si finale për Shqipërinë.