Lëkundje sizmike në Jug të Shqipërisë
Lëkundje të vogla sizmike kanë goditur Jugun e Shqipërisë gjatë natës. Sipas të dhënave të Institutit të Sizmiologjisë, tërmeti ka qenë 2.2 ballë i shkallës Rihter dhe ka rënë në një thellësi prej 3 kilometra.
Epiqendra e tërmetit ka qenë në fshatin Pilur të Vlorës. Lëkundjet sizmike u ndjenë rreth orës 04:14, ndërsa nuk ka dëme materiale apo të lënduar. Tre ditë më parë, më 1 Mars dy tërmete të tjerë goditën vendin tonë.
I pari ra në Belsh me magnitudë 2.3, kurse i dyti fshatin Kuç të Vlorës me fuqi 2.5 ballë. Gjatë javëve të fundit, nëntoka shqiptare është lëkundur nga dhjetra tërmete të vegjël. /tvklan.al