Lezhë vjedhje makinash – (15 Shkurt 1999)
Arkiva Lajme – Tv Klan 1999
Policia lezhiane arreston një 17-vjeçar pasi udhëtonte me një makinë të vjedhur. Si pasojë e kontrolleve të shpeshta gjatë rrugës Lezhë – Shkodër, policia kriminale dhe ajo e qarkullimit të qytetit të Lezhës kanë bërë të mundur kapjen në flagrancë ndërsa po udhëtonte me një fuoristrad të vjedhur kryeqytetasin Olsi Meta.
Meta kishte grabitur Fuoristradën tip Xhip në Laprakë. Pasi kishte shtënë në dorë makinën 17-vjeçari Meta ishte drejtuar drejt veriut, ndoshta me qëllim shitjen e saj në Malin e Zi. Vetëm dy javë më parë pas një operacioni blic policia lezhiane mundi të ndaloj dy fuoristrada të vjedhura dhe drejtuesit e tyre.
Pasi vidhen në Tiranë makinat udhëtojnë drejt qyteteve veriore për të përfunduar në tregun e zi të Podgoricës./tvklan.al
Gazetar – Eduart Frangaj