Librat e rinj të javës që vijnë në treg për lexuesin (24 Shkurt 2001)
Libraritë e ndryshme nuk kanë pritur ndonjë fluks librash të rinj për javën që po mbyllet. Kështu librat e dalë në treg këtë javë për lexuesin janë “Ju, doktori i fëmijës suaj”, një libër me këshilla nga Shefki Meta. Libri me studime historike nga autori Kenet Klark me titull “Qytetërimi”. Një tjetër libër me tregime u ofrohet lexuesit shqiptar nga Emerlinda Myzeqari me titull “Labirinthet e shpirtit”.
Ndërsa për ata që preferojnë poezinë ka dalë në treg libri me poezi “Blatimi” me autor Pirro Kuqi. Po këto ditë ka dalë në qarkullim dhe libri më i fundit i shkrimtarit të njohur shqiptar Ismail Kadare, “Unaza në kthetra” një libër ku në përmbajtjen e të cilit ka shkrime letrare, sprova të ndryshme dhe të tjerë./tvklan.al
Gazetare: Fjodora Fjora