Libri i Blendi Fevziut – (9 Nëntor 1999)
Arkiva Lajme – Tv Klan 1999
Është kjo sigla e emisionit “E Diela Debat”. Emision i cili për dy vjet ka sjellë në ekranin e vogël rreth 113 personazhe të politikës shqiptare në momentet dhe pikat e kthesave të saj. Tashmë këto personazhe të emisionit “E diela debat” mund t’i gjeni në librin “Para dhe pas kamerave” i gazetarit Blendi Fevziu.
Ideator dhe drejtuesit i të parit emision politik në ekranin shqiptar, Blendi Fevziu në këtë liber ka sjellë intervista me figura të fokusit të politikës por dhe të lëna prej saj. Figura te harruara dhe të lakuara të historisë shqiptare. Janë zbardhur në libër bisedat para dhe pas kamerave bisedat e Blendi Fevziut me Ramiz Alinë, Ismail Kadaren, Sali Berishën, Fatos Nanon, Bashkim Finon, Pandeli Majkon, Hashim Thaçin etj.
“Para dhe pas kamerave” është një libër i cili shton fondin e publicistikës dhe që shpreh dëshirën e autorit Blendi Fevziu për të dhënë një kontribut modest dhe në bibliotekët e politikës shqiptare./tvklan.al
Gazetare – Mirela Milori