Lindi vajzë, burri i hedh acid gruas në gjumë
Një burrë i hodhi acid bashkëshortes së tij Ditën Ndërkombëtare të Gruas, sepse solli në jetë një vajzë dhe ai donte djalë.
25-vjeçarja Farah pësoi djegie të rënda, për shkak të sulmit nga bashkëshorti i saj Siraj të ndodhur gjatë kohës që e reja flinte gjumë në Moradabad, pranë New Delhit të Indisë. Sipas asaj që shkruan DailyMail, ai e akuzonte bashkëshorten se kishte dështuar që të përmbushte kërkesat e tij për një pajë dhe nuk i kishte dhënë një djalë.
Policia e ka shpallur 32-vjeçarin në kërkim, ndërsa Farah ndodhet në spital me djegie në fytyrë, duar dhe bark.
Motra e saj tregoi për mediat lokale se ata ishin martuar 8 vjet më parë, por kishin filluar të kishin zënka vitin e fundit për shkak se bashkëshorti i kërkonte asaj pajë.
Sipas së motrës, lindja e vajzës së dytë u bë shkak për këtë sulm të rëndë me acid./tvklan.al