Liverpool fiton Champions League
Liverpool është shpallur kampion i Europës. Skuadra e Jurgen Klopp nuk bëri hapin e gabuar të një viti më parë, duke triumfuar në finalen e Champions League, 2 – 0 në derbin anglez me Tottenham.
Ndeshja e zhvilluar të shtunën në Madrid nisi me gol që në fillim të saj. Një penallti që e bëri më të lehtë arritjen e suksesit. Sissoko preku topin me dorë brenda zonës, ndërsa Salah nuk gaboi përballë portierit Loris.
Liverpool pati mundësi të tjera shënimi gjatë pjesës së parë, ndërsa reagimi më i fortë i Tottenham ishte pas pushimit, por gjithsesi ishin The Reds, të cilët realizuan sërish. Origi shënoi në të 87’, duke shuar përfundimisht shpresat e Spurs.
Ky është titulli i gjashtë kampion i Europës për Liverpool, që e kthen trofeun e Champions League në shtëpi pas 14 vitesh. Ekipi i Jurgen Klopp më 14 gusht do të ketë një tjetër finale, atë të Superkupës së Europës me Chelsea në Stamboll.
Tv Klan