Liverpool fiton falë Salah
Liverpool arriti një fitore me shumë gola ndaj Romës në gjysmëfinalen e parë të Champions League.
Ndeshja e luajtur mbrëmjen e së martës në Angli përfundoi me rezultatin 5 – 2. Mohamed Salah ishte ai që hapi rrugën e fitores për Liverpool, pasi shënoi 2 herë e më pas dha pasimet 2 gola të tjerë. Drejtuesit e Roma duhet të jenë penduar që e lanë të largohet verën e kaluar.
Merita është tërësisht e sulmuesit egjiptian dhe ky është vlerësimi i mediave në Angli ku shikojnë më pranë edhe finalen e Kievit.
Roma reagoi në minutat e fundit, duke realizuar 2 herë me shpresën që të ndodhë mrekullia në ndeshjen e kthimit ashtu siç bëri me Barcelona në çerekfinale.
Një sfidë që nuk kaloi pa probleme për sa i përket tifozëve. Një 53-vjeçar irlandez është sulmuar nga dy mbështetës së Romës. Ai është në gjendje të rëndë, ndërsa UEFA mund të marrë masa për ekipin italian. Sot në mbrëmje do të zhvillohet gjysmëfinalja tjetër Bayern Munchen – Real Madrid.
Tv Klan