Llalla: Dosjet në prokurori vijnë pa prova
Kryeprokurori Ardiatik Llalla foli sërish me rezerva për punën e institucioneve që bashkëpunojnë me prokurorinë në hetimin e çështjeve penale. Në analizën e prokurorisë së Tiranës ai tha se shumë dosje që referohen në prokurori janë të paplotësuara me prova. E po kështu u beri të qartë institucioneve të tjera se vetë prokuroria ka të drejtën ligjore për të ngritur akuzat.Nga ana tjetër, Prokurori i përgjithshëm vlerësoi punën e njësive të përbashkëta hetimore, në hetimin e çështjeve të korrupsionit dhe krimit të organizuar.Me shqetësim për mungesën e provave në çështjet hetimore foli edhe kryetari i Gjykatës së Apelit, Alaudin Malaj në analizën e prokurorisë së Apelit.Ndërsa kryeprokurori Llalla foli me shqetësim edhe për një tjetër fenomen, atë të mashtrimit me anë të shitblerjes së të njëjtëve apartamente disa herë, personave të ndryshëm.