Lokalizohet zjarri masiv në Vlorë, 300 ha pyje të djegura
Është lokalizuar zjarri masiv i rënë një ditë më parë, në zonën e Pish-Poros në Vlorë. Rreth 300 hektarë pyll janë djegur prej mesditës së të shtunës.
Sipërfaqe të mëdha pyjore, shkurre e kullota u shkrumbuan, si pasojë e tre vatrave të mëdha. Flakët rrezikuan të afroheshin edhe tek banesat.
Më kritike situata ishte në Delisuf dhe Zvërnec, ku u kërkua ndihmë edhe nga ajri. Një helikopter mbërriti nga Tirana, kurse shumë zjarrfikëse nga Vlora e Fieri mundësuan lokalizimin e flakëve.
Ndërkaq policia po heton për shkaqet e këtij zjarri masiv. Paraprakisht dyshohet se ai mund të jetë vënë qëllimisht.
Tv Klan