“Los Angeles Lakers” pranë kupës
Edhe një fitore i ndanë nga marrja e trofeut të NBA
Los Angeles Lakers shumë pranë titullit kampion të NBA. Ekipi i drejtuar nga Frank Vogel ia ka dalë të fitojë me shifrat 102-96 finalen e katërt ndaj Miami Heat, duke thelluar revanshin në 3-1, teksa tashmë janë vetëm një fitore larg triumfit.
Fitorja e Miami në ndeshjen e kaluar trembi disi Lakers, që gjeti forcën për të reaguar falë edhe dyshes LeBron James-Anthony Davies. LeBron James ishte absolutisht më i miri i takimit, me 38 pikë të shënuara, 12 topa të rikuperuar dhe 8 asiste, ndërsa një ndeshje mjaft të mirë bëri edhe Anthony Davies me 22 pikë të shënuara, 9 rikuperime dhe 4 asiste.
Në Orlando sfida nisi mjaft mirë për Lakers, që e mbylli fraksionin e parë me avantazhin 27-22. Diferencë që u zbeh disi në periodën e dytë, pasi Miami fitoi 25-22 dhe gjithë sfidën 49-47. Edhe dy periodat e radhës u fituan nga Lakers, me kalifornianët që dominuan dhe sigluan fitoren. Përballja e radhës do të zhvillohet mbrëmjen e 9 tetorit me orën lokale amerikane, sërish në “AdventHealth Arena” të Orlandos dhe Lakers mund të kurorëzohen kampionë, nëse do të marrin një tjetër sukses.
Klan Plus