“Los Blancos”, arrestohen dy shqiptarë në Greqi
Policia greke ka qenë e përfshirë në operacioni antidrogë “Los Blancos”. Mediat në Greqi shkruajnë se në kuadër të këtij operacioni janë arrestuar dhe dy shqiptarë në Atika.
Më tej bëhet me dije se prangosja e tyre është bërë që në 15 Shtator dhe tashmë kundër tyre po vijojnë procedurat gjyqësore.
Të dy shqiptarët e arrestuar kanë qenë pjesë e grupit “Kompania Bello” dhe kishin kontakte me anëtarët e tjerë që vepronin në vende të ndryshme të Evropës, Amerikës Latine dhe Emiratet e Bashkuara.
Hetimi i koduar “Los Blancos”, filloi nga autoritetet italiane në Maj 2015 dhe që atëherë është zgjeruar në Gjermani, Spanjë, Hungari, Greqi, Holandë, Mbretëri të Bashkuar, Rumani, Shqipëri dhe Mbretëri të Bashkuar dhe Emiratet Arabe. Operacioni është finalizuar sot, ku shumica e të arrestuarve janë shqiptarë./tvklan.al