• Shpërndaje

Arkiva Lajme – Tv Klan 1999

Intervistë me Sekretari për Mardhëniet me Publikun në PS, zotin Luan Rama për takimin me artistët.

Luan Rama, Sekretar në PS:- “Kërkova sot që një përfaqësi e grupit parlamentar e përbërë nga drejtues të PS, përfaqësues të komunitetit artist në Parlament dhe të tjerë të kontaktojnë me një përfaqesi të artistëve të Teatrit të Operas e Baletit të Teatrit Kombëtar dhe të tjerë artistë, me qëllim që të diskutojmë bashkarisht për shqetësimet, problemet, madje dhe hallet që ata kanë në funksion të gjetjes së një gjuhe të përbashkët që reforma institucionale e nisur të vazhdojë me ritmet që kërkon reforma në një shoqëri demokratike, pa cënuar askënd, pa cënuar asnjërin prej artistëve, pa cënuar asnjë kontribut që ata kanë dhënë dhe mbi të gjitha për të ruajtur dhe çuar më tej vlerat fondamentale të kulturës tonë kombëtare”.

Gazetarja:- Kur pritet të zhvillohet ky takim?

Luan Rama, Sekretar në PS:- “Jemi duke biseduar me përfaqësuesit e kulturës me përfaqësuesit e artisteve në protestë dhe besoj në mos nesër e shumta deri pasnesër do të arrijmë të realizojmë këtë takim, që do të thotë të fillojmë të zgjidhim problemet, sepse ajo çfarë është më e rëndesishmja një pjesë e mirë e auditorit politik nuk e di çfarë kërkojnë artistët, ashtu sikundër mund të ketë gjëra midis kërkesave të artistëve që duhen parë më realisht”./tvklan.al

Gazetare – Holta Zhiti