Lulzim Basha ndodhet në SHBA?
Drejtuesi i emisionit Zonë e Lirë në Tv Klan, Arian Cani ka shtruar pyetjen nëse kryetari i Partisë Demokratike Lulzim Basha ndodhet aktualisht në Shtetet e Bashkuara të Amerikës.
Në një lidhje direkte me Skype me biznesmenin shqiptar në SHBA, Elton Ilirjanin, Cani e pyeti këtë të fundit nëse ka informacion që Basha ndodhet në Shtetet e Bashkuara.
Pak ditë më parë në zyrën e Bashës shkoi ambasadorja amerikane në Tiranë Yuri Kim, e cila tha se kryedemokratit i tha porositë që kishte marrë në Uashington. Kujtojmë se këto zhvillime vijnë si pasojë e shpalljes “non grata” të Sali Berishës nga SHBA dhe përjashtimit të tij më pas nga grupi parlament i PD, vendim të cilin e mori Lulzim Basha.
Arian Çani: Mos ndoshta mëson dot gjë, megjithëse ti je në Florida por prapë burimet i ke, a ka vajtur gjë Basha në Amerikë? Se thonë që është në Amerikë Basha tani?
Arjan Curi: Nuk e di këtë pjesë.
Arian Çani: Po, po. Thonë tani, janë hapur llafe që është në Amerikë. E merr dot vesh Elton?
Elton Ilirjani: Po në qoftë se interesohem edhe mund të marr informacion, por unë jetoj në Nju Jork. Jam në një vizitë pune dhe pushime sepse është kohë e mirë.
Arjan Curi: Në qoftë se mund të kesh fije me njerëz të Departamentit të Shtetit, a merr dot vesh gjë nëse ndonjëherë Departamenti i Shtetit të paktën tani afër ka ndërmend të lëshojë ndonjë letër, ndonjë provë të dosjes që ka kundër Berishës apo jo?
Elton Ilirjani: Edhe sikur ta kisha do ishte shumë e vështirë që unë ta thoja. Unë di informacione, vetë fakti që jam në lëvizje kam informacione.
Arjan Curi: Po duhet të na japësh diçka.
Elton Ilirjani: Unë mendoj që u duhet shqiptarëve për momentin është ky: SHBA, Departamenti i Shtetit ka folur më shumë se ç’duhet. Në vitin 1980, Regan dha për herë të parë në Amerikën moderne non grata për shtetas të iranit dhe nuk dha fare informacion. Ndërkohë që nuk e kanë fare në protokoll që duhet të japin arsye. Por në këtë rast ata kanë dhënë sepse e duan Shqipërinë. /tvklan.al