Lushnje, operacion anti-droge – (8 Korrik 1999)
Arkiva Lajme – Tv Klan 1999
Rritet lufta e policisë kundër kultivuesve të bimëve narkotike. Dje pas operacionit të policisë në rrethin e Fierit, sot ka qenë radha e Lushnjes. Kështu sipas burimeve të Ministrisë së Rendit Publik sektori i luftës së drogës ka arrestuar shtetasin Bashkim Koçiu, pasi gjatë kontrollit në banesën e tij u gjetën 15 kg bimë narkotike kanabis.
Po sipas burimeve të Ministrisë së Rendit Publik është ndaluar dhe shtetasi Gëzim Koçiu 38-vjeç për kultivim të bimëve narkotike. Atij ju asgjesuan 407 rrënjë kanabis të kultivuar në shtëpinë e tij.
Ndërkohë sipas statistikave zyrtare rreth 10 hektar tokë llogaritet të jenë mbjellë me bimë narkotike kryesisht në qytetet e jugut të vendit tonë./tvklan.al