4.2 ton kanabis në Rrëshen, 22 në pranga
Magazina e zbuluar në periferi të Rrëshenit kishte brenda saj 4238 kilogramë kanabis sativa. Për peshimin e saj, ekspertëve të policisë iu deshën më shumë se 24 orë.
Lënda narkotike u zbulua pasditen e së mërkurës në një ndërtesë që dikur shërbente si pulari e qytetit të Rrëshenit.
Prej disa muajsh ajo ishte e përshtatur si magazinë për grumbulllimin dhe përpunimin e hashashit. Kultivuesit kishin ndërtuar rafte, të cilat shërbenin për tharjen e lëndës narkotike. Po në këtë ambient bëhej edhe paketimi i kanabisit.
Nga burime zyrtare mësohet se në aksionin e koduar “Befasia” u arrestuan në flagrancë 22 persona. 9 gra, të cilat ishin punëtore në magazinë po procedohen në gjendje të lirë, ndër to dhe një 16 – vjeçare.
Një ndër të prangosurit është nga Lazarati, një tjetër nga Lushnja ndërsa pjesa më madhe e tyre janë banues në Kurbin dhe Mirditë. Në kërkim është shpallur pronari i magazinës Kastriot Reçi.
Kjo magazinë ishte nën survejimin e policisë prej disa ditësh pas informacioneve të marra në rrugë operative se aty kishte mjaft lëvizje dhe godina ruhej nga roje gjatë gjithë kohës. Asnjë person nuk lejohej që t’i afrohej asaj.
Në operacion morën pjesë rreth 100 forca policie nga Drejtoria e Policisë Lezhë, Komisariati i Mirditës dhe Forcat e Ndërhyrjes së Shpejtë të Tiranës dhe Shkodrës.
Të arrestuarit janë:
1-Altin Ndoj(Cordeanu) , 32 vjeç, banues në Kurbin.
2-Jetnor Kaja , 24 vjeç, banues në Lushnje.
3-Leonard Lama , 26 vjeç, banues në Mirditë.
4-Ramo Gaba , 48 vjeç, banues në Gjirokaster.
5-Sokol Lama , 37 vjeç, banues në Mirditë.
6-Vitor Lleshi , 43 vjeç, banues në Lezhë.
7-Ilir Meraj , 40 vjeç, banues në Mirditë.
8-Ded Deda , 33 vjeç, banues në Mirditë.
9-Ermir Capani , 23 vjeç, banues në Kurbin.
10-Fatjon Lama , 20 vjeç, banues në Mirditë.
11-Paulin Prenga , 22 vjeç, banues në Kurbin.
12-Taulant Marena , 25 vjeç, banues në Mirditë.
13-Afrim Bulica , 37 vjeç, banues në Mirditë.
14-Arben Lesaj , 38 vjeç, banues në Lezhë.
15-Gjetë Ndoj , 23 vjeç, banues në Kurbin.
16-Gjovan Ndoj , 47 vjeç, banues në Mirditë.
17-Petrit Prenga , 44 vjeç, banues në Lezhë.
18-Gjon Prenga , 28 vjeç, banues në Mirditë.
19-Ilir Lama , 26 vjeç, banues në Mirditë.
20-Maringlen Gjinaj, 39 vjeç, banues në Lezhë.
21-Erald Zajmi, 24 vjeç, banues në Lushnje.
22-Valentin Simoni , 34 vjeç, banues në Mirditë.
Ndërsa në gjendje të lirë po procedohen:
1-M.K. 50 vjeçe, banuese në Mirditë.
2-R.L. 24 vjeçe, banuese në Mirditë.
3-S.U. 55 vjeçe, banuese në Mirditë.
4-M.N. 46 vjeçe, banuese në Mirditë.
5-M.S. 26 vjeçe, banuese në Mirditë.
6-Xh.M. 16 vjeçe, banuese në Mirditë.
7-V.B. 40 vjeçe, banuese në Mirditë.
8-S.B. 32 vjeçe, banuese në Mirditë.
9-S.M. 23 vjeçe, banuese në Mirditë.
Tv Klan