Makina bie në greminë, vdes shqiptari në Greqi
Një 36-vjeçar shqiptar ka humbur jetën në një aksident tragjik në zonën e Pella në Greqi.
Sipas mediave vendase, shqiptari po udhëtonte me makinë kur humbi kontrollin e mjetit dhe doli nga rruga duke përfunduar në greminë. Aksidenti ndodhi në një zonë të pyllëzuar.
36-vjeçari u identifikua nga vëllai i tij. Shkaqet e aksidentit janë të paqarta, ndërsa policia greke po heton për të zbardhur dinamikën.
Mediat nuk kanë bërë të ditur identitetin e shqiptarit që humbi jetën. /tvklan.al