Makina del nga rruga, humb jetën gruaja
Një grua 68-vjeçe, Nadire Mura, është viktima e radhës nga aksidentet. Policia thotë se një automjet tip “Golf”, me targa AA 849 JR, ka dalë nga rruga në vendin e quajtur “Baz”, në Burrel.
Automjeti drejtohej nga bashkëshorti i viktimës, Xh.Mura, rreth 70 vjeç.
Çifti i të moshuarve kishte qenë për një vizitë në Tiranë dhe kthehej për në Burrel.
Paraprakisht dyshohet se i moshuari ka humbur kontrollin e makinës. Ai është në spitalin e Burrelit jashtë rrezikut për jetën./tvklan.al