Makina del nga rruga, humbet jetën shqiptari në Itali
Një shqiptar në Itali ka humbur jetën në një aksident automobilistik të ndodhur në Castel Guelfo.
Sipas mediave italiane, viktima është një 35-vjeçar, identiteti i të cilit nuk është bërë i ditur.
Viktima po drejtonte një automjet “Toyota Yaris” dhe humbi kontrollin, e për pasoja doli nga rruga duke u përmbysur disa herë. 35-vjeçari ndërroi jetë menjëhërë, ndërsa pasagjeri 36-vjeçar që udhëtonte bashkë me të ka mbetur i plagosur.
Ai u dërgua në spital në gjendje të rëndë. Autoritetet italiane kanë nisur hetimet për shkaqet e aksidentit, që i morën jetën 35-vjeçarit shqiptar. /tvklan.al