Makina del nga rruga, plagosen dy të rinj
Dy të rinj kanë mbetur të plagosur këtë të enjte në Fier, në një aksident automobilistik. Ngjarja ndodhi rreth orës 16:15, në fshatin Shënpjetër.
Sipas policisë, në timon ndodhej një 22-vjeçar, i cili humbi kontrollin e makinës dhe doli nga rruga.
Për pasojë ai së bashku me pasagjeren 21-vjeçare mbetën të plagosur. Ata u dërguan në spitalin e Fierit dhe ndodhen nën kujdesin e mjekëve.
Për zbardhjen e rrethanave të plota të këtij aksidenti po punon një grup hetimor./tvklan.al