Makina del nga rruga, plagoset pasagjeri në Këlcyrë
Një aksident automobilistik ka ndodhur në ditën e sotme rreth orës 15:00 në aksin rrugor Këlcyrë-Ballaban.
Automjeti tip “Mitsubishi”, me drejtues shtetasin A. B., 37 vjeç, banues në Tiranë, ka dalë nga rruga, në afërsi të fshatit Bedyqas.
Sipas policisë është dëmtuar babai i drejtuesit të mjetit, shtetasi A. B., 62 vjeç, i cili është transportuar për në spitalin Rajonal Gjirokastër.
Grupi hetimor ndodhet në vendngjarje po kryen veprimet e mëtejshme për përcaktimin e shkaqeve të aksidentit. /tvklan.al