Makina e vjedhur përplaset me pemën, 5 të vdekur
Pesë persona, përfshirë tre fëmijë kanë mbetur të vdekur pasi një makinë e vjedhur u përplas me një pemë.
Ngjarja e rëndë ndodhi gjatë orëve të mbrëmjes të së shtunës në rrugën Stonegate, Meanwood të qytetit britanik të Leeds. BBC shkruan se aktualisht janë ndaluar dy 15 - vjeçarë, megjithatë policia nuk ka dhënë ende detaje për këtë ngjarje të rëndë.
Autoritetet thonë se familjet e viktimave janë njoftuar.
Një natë më parë policia tha se disa persona kishin marrë dëmtime të rënda si pasojë e një aksidenti, por pa dhënë më shumë sqarime.
/tvklan.al