Makina merr flakë në ecje tek “Vasil Shanto”
Një autoveturë “Audi A 6” me ngjyrë të bardhë u përfshi nga zjarri të martën pasdite, në bulevardin “Bajram Curri”, pranë shkollës “Vasil Shanto” në Tiranë. Ngjarja ndodhi rreth orës 15:30, kur mjeti ishte në ecje, ndërsa shpërtheu në flakë.
Drejtuesi i mjetit, nuk mori plagë nga zjarri. Policia dhe zjarrfikësit arritën të shuanin zjarrin, por pa mundur të shpëtonin motorrin e veturës, ndërsa pjesa e kabinës arriti të shpëtohej.
Ekspertët e policisë dhe zjarrfikës, nga këqyrja paraprake konstatuan se zjarri mund të ketë rënë për shkaqe aksidentale pas rrjedhjes së karburantit nga autovetura. Kjo e fundit punonte me lëndë djegëse gaz natyror dhe specialistët dyshojnë se zjarri mund të ketë rënë nga rrjedhja e gazit.
Tv Klan