Makina pa shofer përplas për vdekje gruan, policia publikon videon
Ky është aksidenti tragjik i ndodhur në Arizona të Shteteve të Bashkuara të Amerikës, kur një makinë pa shofer Uber përplas për vdekje një grua me biçikletë që po kalonte rrugën. Viktima, e identifikuar si Elaine Herzberg, humbi jetën si pasojë e plagëve të marra pak minuta pas aksidentit.
Pamjet janë publikuar nga policia e Arizonës dhe janë marrë nga kamerat e sigurisë të vendosura në pjesën e brendshme të makinës dhe në pjesën e jashtme te saj.
Në pamjet filmike duket Herzberg që del papritur para makinës teksa ecte me biçikletën në dorë. Dhe më pas kamera e vendosur brenda automjetit tregon reagimin e Rafaela Vasquez, personi që po testonte makinën.
Ajo duket qartë që nuk po shikonte rrugën në momentin e aksidentit dhe sigurisht nuk arriti të menaxhonte situatën.
Tv Klan