Makina përplas motorin, dy të plagosur
Një aksident ka ndodhur pasditen e sotme, rreth orës 17:50, në kryqëzimin e rrugës së Laknasit.
Burime nga policia bëjnë se 30 – vjeçari me iniciale E.K, që drejtonte një mjet tip “BMW” ka përplasur një person që udhëtonte me një motor, Papaq, pa targa.
Për pasojë kanë mbetur të plagosur të dy drejtuesit e mjeteve. Ata mësohet se janë dërguar në Qendrën Spitalore Universitare Nënë Tereza dhe ndodhen nën kujdesin e mjekëve.
Grupi hetimor ndodhet në vendin e ngjarjes dhe po kryen veprimet për zbardhjen e plotë të saj./tvklan.al