Makina përplas për vdekje gruan shqiptare
Itali/ Një 45 – vjeçare shqiptare ka humbur jetën tragjikisht mbrëmjen e sotme në Ponsacco, Pisa, pasi u përplas nga një makinë.
Automjeti mësohet se drejtohej nga një italian i moshuar, ndërsa për momentin gruaja identifikohet vetëm me inicialet D.B.
Sipas Agjencisë së Lajmeve ANSA, ende nuk dihet dinamika e aksidentit. Në vendin e ngjarjes kanë shkuar karabinierët.
Viktima mësohet se pas përplasjes është zënë poshtë makinës dhe për ta nxjerrë është dashur ndërhyrja e zjarrëfikëses.
Sipas mediave të vendit fqinj, aksidenti ndodhi në një zonë qendrore të Ponsacco –s dhe nuk është e qartë nëse gruaja po kalonte ose jo rrugën./tvklan.al