Manaj do të huazohet
Rei Manaj u bë një lojtar i Inter, pasi klubi zikaltër pagoi shumën e kërkuar nga Cremonese, pas huazimit të sezonit të kaluar.
Sulmuesi 19 – vjeçar pëlqehet nga trajneri Roberto Mancini, por për të fituar më shumë përvojë pritet të huazohet te një tjetër ekip.
Të shumtë janë ato të Serie B, si Cesena, Spal e Perugia, por nuk mungojnë edhe ato të Serie A. Cagliari e kërkon futbollistin shqiptar. Skuadra nga Sardenja do të përforcohet pas rikthimit në ligën e parë në Itali.
Rei Manaj pëlqehet edhe në kampionate të tjerë.
Sporting Gijon, që merr pjesë në La Liga në Spanjë, po e vëzhgon lojtarin, i cili është grumbulluar edhe nga Kombëtarja A e Shqipërisë. Rei Manaj, edhe pse debutoi sezonin e kaluar në Serie A luajti në total 32 minuta.
Tv Klan