“Manchester United po përgatit ofertë për Ronaldon”
Manchester United po shqyrton mundësinë të bëjë një ofertë për yllin portugez të Real Madrid, Cristiano Ronaldo.
Mediat spanjolle shkruajnë se zyrtarë të Manchester United kanë biseduar me agjentin e Ronaldos, Jorge Mendes dhe i kanë thënë se do të bëjnë një “investim madhor”.
Lajmi vjen një ditë pas takimit që patën drejtuesit e Real Madrid me agjentin e CR7. Sipas mediave në Spanjë, Ronaldo ka qenë i lumtur pas fitores së Champions League, por tani është i pasigurtë për situatën e tij.
Miku i Ronaldo, Nuno Gomes javën e kaluar tha se portugezi ndihet “i largët” me Real Madrid.
“Nuk mendoj se Ronaldo do të largohet, por është i mërzitur se i thanë që do t’i rinovojnë kontratën dhe me kalimin e kohës nuk ka ndodhur asgjë. Ai është lojtari më i mirë në botë. Cristiano nuk paguhet aq sa duhet, siç bëri Barcelona me Xavin, Iniestën dhe Messin”
, tha disa ditë më parë Gomes.
Ndërkohë, mediat britanike nuk kanë shkruar nëse Manchester United po përgatit ndonjë ofertë joshëse për të rikthyer në skuadër Cristiano Ronaldon.
/tvklan.al