Manchester UTD kualifikohet në Kupën e Ligës
Manchester United shkon në gjysmëfinalen e Kupës së Ligës së Anglisë, ndërsa Arsenal eliminohet. Ekipi i Mourinho u shfaq ndryshe nga përballja e kampionatit pak ditë më parë pikërisht me West Ham që përfundoi në barazim 1 – 1.
Në kupë lojtarët e Manchester u treguan më kërkues duke arritur një fitore 4 – 1. Ibrahimovic dhe Martial ishin shënuesit e kësaj sfide për Djajtë e Kuq.
Fletcher me golin e tij ndezi më kot shpresat e tifozëve për të shkuar më tej. Kundërshtari i radhës për Manchester United do të jetë Hull City.
Arsenal humbet mundësinë për një trofe. Skuadra e Wenger që luante me rezervat u mynd 2 – 0 nga Southampton.
Sfida e luajtur në Londër u vendos nga golat e Clasie dhe Bertrand të realizuar në pjesën e parë. Southampton do të përballet me Liverpool në turin e ardhshëm. Gjysmëfinalet e Kupës së Ligës së Anglisë do të zhvillohen në janar./ TV KLAN