Maratona e Këngës Popullore nata gjysëmfinale + Porta e Fatit
Maratona e Këngës Popullore nisi si një ide për të reflektuar dhe pasuruar vlerat shqiptare të muzikës dhe këngës popullore. Në podiumin e Martonës së Këngës për 15 javë rresht kanë interpretuar 75 këngëtarë.
Nata gjysmë finale nis me një grup nga shkolla e mesme artistike “Jordan Misja”. Ato janë kori i vajzave i drejtuar në mënyrë të shkëlqyer nga Tatjana Shestani.
Grupi i parë konkurues i cili çel dhe konkursin e Maratonës së Këngës në prezantimin e tij të parë u përfaqësua mjaft denjësisht, ndërsa sot si përfaqësues i atij grupi do të këndojnë vetëm solistët në një duet. Grupi “Ali Pashë Tepelena” , përfaqësojnë këngën tepelenase.
Në këtë gjysëmfinale konkurojnë 11 artistë. Në këtë maratonë janë përfaqësuar këngëtarë nga të gjitha trevat e Shqipërisë gjithashtu dhe nga ata që jetojnë jashtë kufijve të saj. Si përfaqësuese e Malit të Zi vjen një këngëtare mjaft simpatike. Gjyste Vulaj risjell një interpretim të ri me muzikë dhe orkestrim nga bashkëshorti i saj.
Agim Saliu është interpretuesi i rradhës i cili risjell një krijim të Isuf Myzyrit.
Me një këngë të përpunuar nga Shpëtim Saraçi, Valbona Halili interpreton me një këngë ritmike popullore nga Shqipëria e Mesme.
Si përfaqësuese nga veriu i Shqipërisë do të vijë është shumë e mësuar me skenat televizive. Ajo është këngëtarja Vera Laçi.
Kënga përmetare e cila vazhdon të këndohet me mjaft pasion nuk mund të konceptohet ndryshe pa saze dhe pa duetet e saj. Pikërisht nga ky qytet i vogël vjen një duet i interpretuar nga Vaskë dhe Dhimitër Curri.
Në grupin e dytë të këngëtarëve qëndron dhe përfaqësuesja e vetme që vjen nga qyteti i Korçës dhe duke qënë e tillë ajo përfaqëson dhe muzikalitetin e një krahine të tërë. Me një krijim të orkestruar nga Ardian Jorgji interpreton Laza Rela.
Aurela Gaçe tregon gjithmonë energji dhe dinamizëm kur bëhet fjalë për të kënduar. Ajo prezantohet me një kolazh këngësh popullore.
Këngëtari që pason Aurela Gaçen është Pajtim Struga. Ai na fokuson në muzikën e Shqipërisë së Mesme dhe shoqërohet nga orkestrina e tij.
Leonora Luca, është konkurentja që mbyll garën e gjysmëfinales./tvklan.al
Moderatore : Rudina Magjistari