Mat/Asgjesohen 2324 bimë kanabis, sekuestrohen fishekë dhe 3 krëhëra automatiku
Mat – Në zbatim të detyrave të përcaktuara në Planin e masave për kontrollin e territorit me qëllim evidentimin dhe goditjen e kultivimit të bimëve narkotike, Efektivët e Stacionit të Policisë Klos kanë ushtruar kontroll në vendin e quajtur “Përroi i Linosit”, sipër fshatit Gurë i Bardhë, të rrethit Mat.
Si rezultat i kontrollit të ushtruar në një pjesë pylli të shpyllëzuar, të hapur rishtas për kultivim janë konstatuar pesë parcela të kultivuara me bimë të dyshuara narkotike.
Grupi hetimor ka konstatuar se në këto parcela ishin të kultivuara 2.324 bimë të dyshuara si kanabis sativa.
Bimët varionin nga 1.30 deri në 2 metra të larta dhe janë asgjësuar në vend me anë të djegies, ku disa prej tyre janë sekuestruar në cilësinë e provës materiale.
Gjatë kontrollit të territorit përreth janë konstatuar dhe 3 vend qëndrime, të mbuluara me plasmas, ku në njërin prej tyre janë gjetur dhe sekuestruar në cilësinë e provës materiale 56 fishekë model 56, si dhe 3 krehëra automatiku.
Po punohet për identifikimin dhe kapjen e autorëve./tvklan.al