Maunia me kartat e votuesve bllokon rrugën në Tiranë – (4 Gusht 2000)
Lajme Arkiva – Tv Klan 2000
Kjo maune duhet të shkarkonte në qendrën e Informatikës Financiare, disa materiale filmike që do të shërbejnë për të realizuar kartat e votuesve. Por për më shumë se dy orë, që duhej për t’u shkarkuar materialet e ardhur nga Kanadaja, maunia bllokoi këtë aks rrugor, i vetmi për të qarkulluar në zonën pranë shkollës “Petro Nini”, pasi rruga tjetër është jashtë përdorimit duke u asfaltuar.
Vendosja e maunes këtu ka bllokuar rrugën duke formuar një karvan makinash që kanë lajmëruar edhe forcat Shqiponja për t’ju zgjidhur hallin. Drejtuesit e projektit për kartat e votuesve, kanw pretenduar se kanë lajmëruar policinë rrugore, për bllokimin e rrugës që para disa ditësh, por sot policia rrugore nuk kishte marrë asnjë masë.
Me gjithë protestat e shoferëve, policia nuk ka zgjidhur asgjë. Vetëm pasi është shkarkuar maunia, rruga është hapur dhe makinat kanë filluar të qarkullojnë./tvklan.al