Mbi 1 mln të infektuar nga COVID-19 në të gjithë botën
Numri i personave të infektuar nga koronavirusi e ka kaluar shifrën e 1 milionëshit. Deri më tani janë shënuar 1.016.424 të prekur, ndërsa 53.441 persona kanë humbur jetën.
213.140 persona konsiderohen si të shëruar nga autoritetet e vendeve të ndryshme. Vendin e parë për numrin e të infektuarve e mban SHBA-ja me 245.373 raste që ndiqet nga Italia me 115.242 raste.
Spanja është e treta me 112.065 të infektuar, ndërsa Gjermania ka 84.749 të prekur. Pesëshen e parë e mbyll Kina me 81.620 të infektuar.
Italia është vendi me rekordin më të zi për sa i përket të vdekurve. Atje regjistrohen rreth 14.000 të vdekur, ndërkohë që Spanja e ndjek nga afër me 10.348 viktima.
Numri i viktimave po rritet me shpejtësi edhe në SHBA, ku e ka kaluar shifrën e 6.000 personave./tvklan.al