Mbikalimi në hyrje të qytetit të Durrësit – (25 Qershor 2000)
Lajme Arkiva – Tv Klan 2000
Rruga në hyrje të qytetit të Durrësit, tani ka dhe një mbikalim për qytetarët. Lëvizja e shumë makinave, sidomos në stinën e verës në këtë qytet bregdetar, bënte që këmbësorët të lëviznin të rrezikuar nga njëri trotuar në tjetrin. Pas rikonstruksionit të asfaltit këtu makinat lëvizin me shumë shpejtësi, sa e vetmja zgjidhje për këmbësorët mbetej një mbikalim i tillë.
Tani në fillim të sezonit të plazhit, kur fluksi i lëvizjes në hyrje të Durrësit shumfishohet, ky mbikalim në këtë aks rrugor parandalon mjaft aksidente. E megjithëse ky mbikalim ekziston mjaft qytetarë, duke përtuar të ngjisin shkallët e hekurta rrezikojnë duke kaluar para makinave nga njëri krah në krahun tjetër të rrugës./tvklan.al