Mbyllen kufijtë me vendet fqinje
Lejohet vetëm kalimi i mallrave
Policia Kufitare njofton ndalimin e lëvizjes në pikat e kalimit kufitar me Greqinë.
Në Kakavijë, Qafe Botë dhe Kapshticë për arsye të parandalimit të COVID-19, nuk do të lejohet të kalojë asnjë udhëtar, përveç shtetasve grekë dhe atyre qe kane leje qëndrimi të përhershme ne Greqi.
Në pikat e kalimit me Greqinë do lejohen vetëm kamionët. Policia Kufitare thotë se edhe në pikat e kalimit me Maqedoninë e Veriut, si Bllata dhe Tushemishti si dhe aeroporti i Ohrit janë mbyllur deri në një njoftim të dytë, ku nuk lejohet qarkullimi i mjeteve të vogla, autobusëve dhe udhëtarëve, ndërsa nga Qafë Thana vijon lëvizja normalisht.