Mbytet peshkarexha, shpëtojnë 4 peshkatarët
4 peshkatarë rrezikuan jetën natën e kaluar pasi peshkarexha e tyre u mbyt pranë ishullit të Sazanit.
Policia thotë se ka marrë një kërkesë për ndihmë nga peshkatarët në orën 2.
Në kërkim të tyre dolën me mjete lundruese të Rojës Bregdetare dhe të Delta Force, por peshkarexha nuk u gjet.
Rreth orës 6, kapiteneria e Portit të Vlorës u njoftua se trageti i linjës Brindizi-Vlorë i kishte gjetur peshkatarët në det, rreth 6 milje nga Sazani.
Aktualisht ata ndodhen në gjendje të mirë shëndetësore.
Tv Klan