Memaliaj/ 370 kg kanabis në bodrumin e shtëpisë, në kërkim autorët
Plot 370 kilogramë lëndë narkotike, kanabis sativa është sekuestruar në një tjetër aksion anti – kanabis të policisë, këtë herë në Memaliaj.
Droga u zbulua në fshatin Kamçisht, në banesën e dy personave të identifikuar me inicialet K.M dhe F.M. Nga kontrolli i ushtruar në këtë banesë, sqaron policia, në dy bodrumet e saj dhe në një kasolle afër shtëpisë, u gjet lënda narkotike, që ishte në proces tharje. Pesha totale e saj shkonte në 370 kg.
Dy personat e lartpërmendur, në momentin që ka ndërhyrë policia nuk ndodheshin në banesë. Ata janë shpallur në kërkim dhe efektivët po punojnë për kapjen e tyre./tvklan.al