Merr flakë makina në ecje, bllokohet autostrada
Një automjet ka marrë flakë në ecje në autostradën Tiranë – Durrës tek mbikalimi i Sukthit.
Policia e Durrësit bën me dije se nga flakët u përfshi një fuoristradë me targa AA 856 AN.
Zjarri ra në pjesën e përparme të mjetit dhe fatmirësisht nuk ka asnjë të lënduar, por vetëm dëme materiale.
Paraprakisht dyshohet se shkak ka qenë një defekt teknik i makinës që shkaktoi flakët e zjarrit. Nga ngjarja, për disa minuta u rëndua qarkullimi në autostradë.
/tvklan.al