Mesazhet e futbollistëve për dorëheqjen e De Biasit
Dorëheqja e Gianni De Biasit është shoqëruar edhe me mesazhet e futbollistëve të Kombëtares.
Të hershëm në ekip apo të ardhur së fundmi e falenderuan mbi të gjitha për pjesëmarrjen në finalet e Europianit. Kapiteni Ansi Agolli në mesazhin e tij thotë që trajneri po lë një ekip më të mirë se ai që gjeti.
Ish-kapiteni Lorik Cana kujton që kanë përjetuar momente të paharrueshme. Elseid Hysaj shkruan se De Biasi gjeti një Shqipëri të vogël dhe e bëri të madhe.
Andi Lila e falenderon për ndihmën që i ka dhënë për tu rritur si lojtar dhe si njeri. Shumë kuqezinj të tjerë kanë shkruar mendimin e tyre për De Biasin në rrjetet sociale.
/Tv Klan