Messi në superformë ndaj Levantes
Lionel Messi i është rikthyer formës së tij të mëparshme me spektakël dhe gola në transfertën ndaj Levante.
Argjentinasi shënoi 3 herë në fitoren 5-0 të Barcelonës. Messi morri topin e ndeshjes në shtëpi, por më parë ai dha një asist edhe për Suarez. Një prej golave u shënua edhe nga mbrojtësi Pique.
Barcelona e gjeti me vështirësi golin e parë nga Suarez. Pjesa e parë u mbyll 2-0 pas golit të parë të Messi.
Më fillimin e së dytës kapiteni i Barçës shënoi sërish. Goli i tij i tretë erdhi pas pasimit të saktë nga Vidal. Forma e tij e shkëlqyer u pa edhe në fund të takimit kur dha asistin për Pique
Barcelona vazhdon kryesimin e La Liga me 34 pikë, 3 më shumë se ndjekëset Sevilla dhe Atletico Madrid.
Tv Klan