Minibasket në Pogradec – (17 Gusht 1999)
Arkiva Lajme – Tv Klan 1999
Përveç veprimtarive të organizuar nga Federata Shqiptare e Basketbollit ka nisur një bashkëpunim i ri ndërmjet shoqatave të minibasketit. Inisiator janë shoqata sportive Ringjallja në Pogradec, me kryetar Llazi Gërcalliun dhe shoqata sportive Sonja Basket në Tiranë me koordinator Andrea Trojën. Gjatë dy ditëve të fundit të javës së kaluar në Pogradec kanë qenë mystafir fëmijët nga Tirana.
Katër grupe minibasketi mbi bazën e një programi zhvilluan ndeshje miqësore, shëtitje në pikat turistike duke u njohur me mikëpritjen dhe bujarinë pogradecare. Gjithashtu ky aktivitet shërbeu dhe për shkëmbimin e eksperiencës ndërmjet drejtuesve të dy shoqatave.
Punën e mirë të bërë nga këto dy shoqata Federata Shqiptare e Basketbollit e vlerësoi duke u dhënë kupa dhe medalje lojtarëve të dalluar./tvklan.al