“Miss Tirana 2001” gati për të zgjedhur bukuroshen kryeqytetase (7 Mars 2001)
Në datën 8 mars, salla e Akademisë së Arteve të Bukura do të hapet për të mbajtur në skenën e saj, bukuroshet e Tiranës, konkurrente në spektaklin e bukurisë Miss Tirana 2001. Ky është edicioni i dytë i këtij spektakli i organizuar nga spektakël agjensi “Karabashi”. Në ditën ndërkombëtare të gruas 17 bukuroshe kryeqytetase do të konkurrojnë mes tyre për kurorën e mbretëreshës së kryeqytetit.
Disa nga të veçantat e këtij spektakli do të jenë: Prania e fëmijëve si përshëndetës, mbajtja e veshjes së traditës së Tiranës, surpriza me të ftuar të ndryshëm. Ndërsa juria e spektaklit do të jetë e përbërë edhe nga personalitete të huaja. Ky spektakël do të transmetohet në mënyrë ekskluzive nga Tv Klan në lidhje direkte në orën 20:30./tvklan.al
Gazetare: Fjodora Fjora