Montella drejt largimit nga Milan
Megjithëse nuk kishte ecurinë e pritshme, pas investimeve të bëra, klubi i Milan i dha gjithnjë mbështetje trajnerit Montella.
Por humbja e fundit 2-0 ndaj Juventus në San Siro, rihapi diskutimin e zëvendësimit të drejtuesit te bankinës. Edhe një ditë pas humbjes deklaratat janë mbështetëse në drejtim të tij, por sipas mediave italiane besimi nuk do të zgjasë shumë madje bëhet fjalë për çështje ditësh, ndoshta edhe orësh.
Raportohet se zyrtarët e Milan po bisedojnë me teknikun portugez Paulo Sousa për të marrë drejtimin e ekipit. Thuhet se Sousa parapëlqen të nisë një projekt që nga fillimi i sezonit dhe mund të refuzojë ofertën e Milanit. Nëse kjo ndodh skuadra mund të drejtohet nga trajneri i të rinjve Gennaro Gattuso deri në fund të sezonit.
/Tv Klan