Moti i ftohtë pushton gjithë vendin – (15 Janar 2001)
Lajme Arkiva – TV Klan 2001
Mbi vendin tonë, për shkak të ardhjes së masave të ftoha nga rajonet verilindore të Europës, janë regjistruar këto ditë temperatura të ulëta. Ndërkohë në shumë rajone të ndryshme si në Kukës, Korçë etj, ka pasur reshje dëbore. Kështu në rrethin e Kukësit, trashësia e dëborës ka arritur në 2 centimetra.
Mbrëmë edhe maja e Dajtit u mbulua me dëborë. Gjithashtu nga rajonet e Atlantikut Qendror, vijnë në rajonet tona, masa relativisht të ngrohta dhe të lagështa dhe përplasja e tyre me masat ajrore të ftohta, ka shkaktuar reshje shiu dhe dëbore. Në Kukës janë regjistruar këto temperatura, -4 gradë celsius temperatura më e ulët dhe 0 gradë celsius temperatura më e lartë.
Në këto kushte moti do të vazhdojë të jetë i ftohtë dhe me vranësira të cilat do të shoqërohen me reshje shiu, ndërsa në zonat malore do të ketë reshje dëbore./tvklan.al