Moti i keq lë pa energji një pjesë të vendit
Sektorin energjetik në vend nuk po e ndihmojnë as reshjet e shiut. Nëse thatësira ka detyruar kompanitë publike që pjesën më të madhe të energjisë ta blejnë jashtë vendit, tashmë një tjetër faturë do të shkojë në zyrat e OSHEE-së për riparimin e dëmeve nga stuhia e një dite më parë.
Sipas Operatorit të Shpërndarjes së Energjisë një pjesë e mirë e vendit ka mbetur pa furnizim me energji elektrike, e në disa zona grupet e punës ende nuk kanë arritur ta rikthejnë atë.
Shumë fshatra në Berat, Gjirokastër, Vlorë e Shkodër janë prekur nga defektet. OSHEE njofton se punonjësit po hasin vështirësi në terren për shkak të zonave të thella ku janë evidentuar dëmet. Tv Klan