Moti për sot, rrebeshe në gjithë vendin
Pjesa e parë e ditës do të dominohet nga vranësira dhe shira në zonat veriore të cilat gradualisht do të përfshijnë të gjithë vendin. Shira të konsiderueshëm do të ketë në veri – qendër, nuk përjashtohet edhe mundësia e rrebesheve dhe breshërit.
Parashikohet që edhe pasditja të vijojë me të njëjtat kushte atmosferike duke bërë që vranësirat dhe shirat të jenë prezent në të gjithë vendin por në sasi më të pakta. Parashikohet që edhe gjatë natës shirat e dobët dhe lokale të mbeten prezent në zonat veriore.
Temperaturat e ajrit do të pësojnë rënie të lehtë gjatë orëve të mëngjesit ndërsa mesdita do të sjellë rënie të ndjeshme të tyre.
Era do të fryjë mesatare në tokë dhe deri e fortë në det duke arritur shpejtësinë 45 km/h nga drejtimi Jugperëndimor, kjo do të bëjë që në brigjet detare të gjenerohet dallgëzim deri në 4 ballë./tvklan.al