Napoli kërkon me ngulm Icardin, Inter ka kohë deri…
Drejtuesit e Napoli nuk heqin dorë nga Mauro Icardi. Sulmuesi i Inter kërkohet me ngulm për të zëvendësuar Gonzalo Higuain që u transferua te Juventus për 90 milionë euro. Oferta është bërë dhe flitet për 70 milionë euro, ose një shumë më e ulët dhe Gabbiadini.
Megjithatë sipas mediave italiane do të pritet deri të mërkurën në mbrëmje një përgjigje nga zikaltërit dhe më pas napolitanët do të mendojnë për një tjetër alternativë. Mauro Icardi do një pagë më të lartë nga Inter, një kërkesë që nuk po merret në konsideratë nga drejtuesit.
Icardi ishte ndër lojtarët kryesorë te Inter ku sezonin e fundit shënoi 16 gola vetëm në kampionat. Napoli në këtë moment është një mundësi më e mirë për sulmuesin argjentinas, pasi merr pjesë në grupet e Champions League. /TV KLAN