Napoli merr përkohësisht kreun
Napoli fitoi 3 – 1 me Bolonjan duke u ngjitur përkohësisht në krye të klasifimit në Serinë A. Skuadra e Elseid Hysajt nuk hasi vështirësi të merrte 3 pikët përballë një rivali që luajti minutat e fundit me një futbollist më pak, për shkak të një kartoni të kuq.
Më herët gjatë të shtunës Lacio fitoi 3 – 0 me Peskarën. Në këtë takim Ledian Memushaj gaboi në goditjen e një 11-metërshi kur rezultati ishte ende 0 – 0.
Rei Manaj i cili hyri në fushë në fillimin e pjesës së dytë nuk arriti të ndihmonte abrucezët. Të premten Milani fitoi 1 – 0 në fushën e Sampdorias. Të dielën do të luhen takimet e tjera të javës së katërt të Serisë A, ku spikat derbi i Italisë, Inter – Juventus.
Tv Klan