Napoli nuk e lëshon kreun
Napoli mbetet në krye të Serie A edhe pas javës së 23. Skuadra e Elseid Hysajt fitoi ndeshjen e ekstremeve të renditjes me Beneventon me rezultatin 2 – 0.
Berat Gjimshiti e nisi si titullar, ndërsa Ledian Memushaj hyri si zëvendësues gjatë pjesës së dytë. Juventus ishte i papërmbajtshëm përballë Sassuolo që e mundi me rezultatin 7 – 0.
Ekipi i Allegrit nuk kishte shënuar kaq shumë gola në një takim të vetëm këtë sezon. Një zotërim absolut i Juventus me Higuain që shënoi 3 herë, duke marrë edhe topin e takimit. Milan barazoi 1 – 1 në transfertë me Udinese. Suso shënoi që në minutat e para, por portieri Donnarumma shkatoi autogol në pjesën e dytë kur Milan ishte me 10 futbollistë në fushë. Calabria u përjashtua pas kartonit të dytë të verdhë.
Tv Klan