Napoli ruan kreun në Serie A
Napoli është sërish në krye në Serie A, duke ruajtur distancën me rivalët për titullin. Fitorja e vështirë me Udinese që u vendos nga një penallti i jep një shtysë më shumë skuadrës ku luan edhe Elseid Hysaj për të vijuar garën drejt titullit.
Elseid Hysaj :”
Synimi është të fitojmë çdo ndeshje, por pikët si këto me Udinese janë të rëndësishme. Për ndeshjen me Juventus që kemi të premten kemi nisur të mendojmë menjëherë”.
Nuk mori maksimumin Lazio e Thomas Strakoshës pavarësisht lojës së mirë të potrierit të Kombëtares. Me Fiorentina përfundoi në barazim 1 – 1. Miqtë nga Firence shënuan me 11-metërsh në fund të takimit. Akordimi i penalltisë nervozoi edhe Igli Taren, i cili zbriti në fushë për t’i kërkuar llogari gjyqtarit. Në kategorinë e dytë në Danimarkë po jep rezultat Vejle i Ylber Ramadanit.
Mesfushori shqiptar i thirrur së fundi nga Panucci shënoi golin e parë me këtë fanellë. Vejle fitoi me rezultatin 4 – 1 ndaj Vendsyssel dhe kryeson renditjen duke qenë një nga pretendentët për tu ngjitur një kategorinë më lart.
Tv Klan